輕鐵將於今年九月通車30年,仍記得當年通車前媽媽帶住妹妹和我去湊熱鬧參加試車活動,由兆康站坐到去洪水橋站。近日在網絡上見到一張估計是剛通車時的路線圖,作為尚算老資格的屯門人,看著這張路線圖看到什麼亮點?
- 屹立不倒的610線;
- 只有輕微改動的505線及507線;
- 現在的506線接駁巴士,當年是以輕鐵行駛;
- 輕鐵服務未覆蓋至天水圍;
- 還未有安定至屯門碼頭沿線各站及三聖站;
- 唔少站因為唔同的原因改左名;
- 現在的K51接駁巴士,當年叫做521,行駛井財街至大欖,使用廿四座小巴行走,後來陸續由雙層巴士取代,我們放學等車不時都會遇上廿四座小巴而上唔到車,好無奈。不過留意番張路線圖,最開初原來依家接駁車連號碼都無。
- 諮詢熱線仲係”0″字開頭得6個號碼;
- 當年仲可以係屯門碼頭搭船去中環。
當年搭輕鐵轉巴士要給司機單程車車飛,巴士轉輕鐵要問司機拿轉車飛(好似仲有唔同價格嘅轉車飛)~
市中心搭輕鐵去兆康苑返學,一定要搭612(即今天的751)或者614(較後期),505雖然都可以,但係好慢(今時今日都係)~極少搭505,係去良景邨參加同學麥當奴生日會先會搭~
大家都好喜歡當年的月票和季票,因為可以無限搭,轉八達通好唔開心,因為逐程計~
因為7,8月放暑假,所以7-9月唔會買季票,而係9月買月票。